రష్యా చమురు కొనుగోళ్లపై అమెరికా తాత్కాలిక సడలింపు పొడిగింపు

ప్రపంచ ఇంధన మార్కెట్లలో అనిశ్చితి నెలకొన్న నేపథ్యంలో, రష్యా నుంచి చమురు కొనుగోళ్లపై గతంలో ఇచ్చిన ఆంక్షల సడలింపును అమెరికా మరోసారి పొడిగించింది. ఈ నిర్ణయంతో, ఇప్పటికే నౌకల్లో లోడ్ చేసిన రష్యా చమురును అన్ని దేశాలు కొనుగోలు చేసేందుకు తాత్కాలిక అనుమతి కల్పించబడింది.

అమెరికా ఆర్థికశాఖ విడుదల చేసిన ప్రకటన ప్రకారం, ఈ నెల 17 తేదీ లేదా అంతకంటే ముందే నౌకల్లో లోడ్ చేసిన చమురును మాత్రమే కొనుగోలు చేయవచ్చని స్పష్టం చేసింది. ఈ సడలింపు వచ్చే నెల 16 వరకు అమల్లో ఉంటుందని తెలిపింది.